കോട്ടയം : കോട്ടയം - നിലമ്പുർ - കോട്ടയം എക്സ്പ്രെസ്സിൽ ഇനിമുതൽ റിസർവ് ചെയ്ത് യാത്ര ചെയ്യാം. 16/08/25 മുതൽ 16326 കോട്ടയം - നിലമ്പുർ, 16325 നിലമ്പുർ - കോട്ടയം വണ്ടികളിൽ 2കോച്ചുകൾ കൂടി ചേർക്കുന്നു. ഇതോടെ മൊത്തം കോച്ചുകൾ 16ആയി മാറുന്നു. അതോടൊപ്പം വണ്ടിയിൽ രണ്ട് സെക്കന്റ് സിറ്റിംഗ് കോച്ചുകളിൽ റിസർവേഷൻ സംവിധാനം ഏർപ്പെടുത്തിയിട്ടുണ്ട്. 15/08/25 മുതൽ 16366 നാഗർകോവിൽ - കോട്ടയം എക്സ്പ്രെസ്സിലും 17/08/25 മുതൽ 56311 കോട്ടയം - കൊല്ലം, 56302 കൊല്ലം - ആലപ്പുഴ, 56301 ആലപ്പുഴ - കൊല്ലം, 56307 കൊല്ലം - തിരുവനന്തപുരം, 56308 തിരുവനന്തപുരം - നാഗർകോവിൽ എന്നീ പാസഞ്ചർ വണ്ടികളിലും രണ്ട് കോച്ചുകൾ കൂടി ചേർന്ന് മൊത്തം 16കോച്ചുകൾ ആയിട്ടാകും സർവീസ് നടത്തുക  NB:- 16/08,17/08 തീയതികളിൽ 16326 നമ്പർ ട്രെയിൻ ഏറ്റുമാനൂർ നിന്നാണ് സർവീസ് ആരംഭിക്കുക 

കോട്ടയം: കോട്ടയത്ത് നിന്ന് വേളാങ്കണ്ണിയ്‌ക്ക് നേരിട്ടുള്ള തീവണ്ടിയ്‌ക്ക് പ്രിയമേറുന്നു- പ്രതിദിന സർവീസാക്കണമെന്ന ആവശ്യവും ശക്തം ______________________________________________ കോട്ടയത്ത് നിന്ന് ഉച്ചയ്ക്ക് 02.03 ന് പുറപ്പെടുന്ന ട്രെയിൻ നമ്പർ 16361 വേളാങ്കണ്ണി എക്സ്പ്രസ്സ്‌ എല്ലാ ശനിയാഴ്ചകളിലും തിങ്കളാഴ്ചകളിലുമാണ് ഇപ്പോൾ സർവീസ് നടത്തുന്നുണ്ട്. ആഴ്ചകൾക്ക് മുമ്പേ ബുക്കിംഗ് പൂർത്തിയാകുന്നതിനാൽ ഈ ട്രെയിന് ടിക്കറ്റ് ലഭിക്കുന്നില്ലെന്ന പരാതിയും വ്യാപകമാണ്. അതുകൊണ്ടുതന്നെ സർവീസ് പ്രതിദിനമാക്കണമെന്നാണ് യാത്രക്കാരുടെ ആവശ്യം. ഏറ്റവും നൂതനമായ LHB കോച്ചുകളാണ് വേളാങ്കണ്ണി ട്രെയിനിൽ നിലവിൽ ഉപയോഗിക്കുന്നത്. വൃത്തിയുള്ള കോച്ചുകളും ടോയ്ലറ്റുകളും മികച്ച മൈന്റൈനൻസും വേളാങ്കണ്ണി ട്രെയിൻ യാത്ര ഇപ്പോൾ കൂടുതൽ അവിസ്മരണീയമാക്കുകയാണ് എറണാകുളം ജംഗ്ഷനിൽ നിന്ന് ഉച്ചയ്ക്ക് 01.00 ന് പുറപ്പെട്ട് കോട്ടയം, കൊല്ലം ചെങ്കോട്ട വഴി പിറ്റേന്ന് പുലർച്ചെ വേളാങ്കണ്ണിയിൽ എത്തിച്ചേരുന്ന വിധമാണ് ട്രെയിൻ ഷെഡ്യൂൾ ചെയ്തിരിക്കുന്നത്. ഫെസ്റ്റിവൽ സ്പെഷ്യൽ ഫെയർ സർവീസായി സീസണിൽ മാത്രം സർവീസ് നടത്തിക്കൊണ്ടിരുന്ന വേളാങ്കണ്ണി എക്...

അതിരമ്പുഴ: ഛത്തീസ്ഗഡ്ൽ മലയാളികളായ കന്യാസ്ത്രീകൾക്കെതിരായി എടുത്തിട്ടുള്ള കള്ളക്കേസുകൾ പിൻവലിക്കണം എന്ന് ആവശ്യപ്പെട്ടുകൊണ്ട് ബജരംഗദൾ മിഷനറി സമൂഹത്തിനെതിരെ നടത്തുന്ന ആക്രമണങ്ങൾ അവസാനിപ്പിക്കണമെന്നും ആവശ്യപ്പെട്ടുകൊണ്ട് ഇടതുപക്ഷ ജനാധിപത്യ മുന്നണിയുടെ നേതൃത്വത്തിൽ  7 /8 /2025 വ്യാഴാഴ്ച വൈകുന്നേരം 5 മണിക്ക് അതിരമ്പുഴ തേങ്കുളം ജംഗ്ഷനിൽ നിന്നും സെൻട്രൽ ജംഗ്ഷനിലേക്ക് പ്രതിഷേധ പ്രകടനം നടത്തുന്നു. പ്രതിഷേധ സദസ്സ് ഉദ്ഘാടനം ബഹു തോമസ് ചാഴികാടൻ ex.MP.

കോട്ടയം: കോട്ടയം ജവഹര്‍ നവോദയ വിദ്യാലയത്തില്‍ 2026-27 അധ്യയന വര്‍ഷത്തിലേക്കുള്ള പ്രവേശനപ്പരീക്ഷയ്ക്കു രജിസ്റ്റര്‍ ചെയ്യേണ്ട അവസാന തീയതി  ജൂലൈ 29 ല്‍ നിന്ന് ആഗസ്റ്റ് 13 ലേയ്ക്ക് മാറ്റി. വിശദവിവരങ്ങള്‍ navodaya.nic.in എന്ന വെബ്‌സൈറ്റില്‍ ലഭിക്കും. ഫോണ്‍: 9562901232, 0481 2578402.

അതിരമ്പുഴ:  ഭാരതത്തിൽ വർധിച്ചു വരുന്ന ക്രൈസ്തവ ന്യൂനപക്ഷ പീഡനത്തിനെതിരെയും ഛത്തീസ്ഗഡിൽ ജയിലിൽ കഴിയുന്ന സിസ്റ്റേഴ്സിന് ഐക്യദാർഢ്യം പ്രഖ്യാപിച്ചും അതിരമ്പുഴ ഫൊറോനായുടെ ആഭിമുഖ്യത്തിൽ പ്രതിഷേധ റാലിയും പൊതു സമ്മേളനവും നടത്തപെടുന്നു. ആഗസ്റ്റ് 1-ാം തീയതി വെള്ളിയാഴ്ച വൈകുന്നേരം 6. 30 ന് വലിയപള്ളിയിൽ നിന്ന് പ്രതിഷേധറാലിയും അതിരമ്പുഴ ടൗൺ ചാപ്പലിനു സമീപം സമ്മേളനവും സംഘടിപ്പിക്കുന്നു. മുഖ്യ പ്രഭാഷണം നടത്തുന്നത് കടുത്തുരുത്തി ഫൊറോനാ വികാരി റവ ഫാ മാത്യു ചന്ദ്രൻകുന്നേൽ.

കോട്ടയം: കോട്ടയം ജില്ലയില്‍  2140 പേര്‍ക്കു കൂടി കോവിഡ് ബാധിച്ചതായി കണ്ടെത്തി. ഇതാദ്യമായാണ് ജില്ലയില്‍ ഒരു ദിവസം രോഗം സ്ഥിരീകരിക്കുന്നവരുടെ എണ്ണം രണ്ടായിരം കടക്കുന്നത്. ടെസ്റ്റ് പോസിറ്റിവിറ്റി  24.75 ശതമാനമാണ്.  2119 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ 36 പേര്‍ ആരോഗ്യ പ്രവര്‍ത്തകരാണ്. സംസ്ഥാനത്തിനു പുറത്തു നിന്നെത്തിയ 21 പേര്‍ രോഗബാധിതരായി.  പുതിയതായി  8646 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരില്‍ 1062 പുരുഷന്‍മാരും 883 സ്ത്രീകളും 195 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 333 പേര്‍ക്ക് കോവിഡ് സ്ഥിരീകരിച്ചിട്ടുണ്ട്. 379 പേര്‍ രോഗമുക്തരായി.10878 പേരാണ് നിലവില്‍ ചികിത്സയിലുള്ളത്.  ഇതുവരെ ആകെ 98633 പേര്‍ കോവിഡ് ബാധിതരായി. 86889  പേര്‍ രോഗമുക്തി നേടി. ജില്ലയില്‍ ആകെ 25859 പേര്‍ ക്വാറന്റയിനില്‍ കഴിയുന്നുണ്ട്. രോഗം ബാധിച്ചവരുടെ തദ്ദേശഭരണ സ്ഥാപന അടിസ്ഥാനത്തിലുള്ള വിവരം ചുവടെ കോട്ടയം-235 രാമപുരം-101 ഏറ്റുമാനൂര്‍-81 ചങ്ങനാശേരി-64 കുമരകം-55 മാഞ്ഞൂര്‍, കടുത്തുരുത്തി-54 വൈക്കം-53 പാമ്പാടി-48 എരുമേലി, അയര്...